Er verið að plata fólk viljandi?

Þegar maður pantar flug hjá IcelandExpress lendir fólk í vandræðum vegna þess að sjálfvirkt er hak í Forfallatryggingu og síðan líka í að senda SMS sem þýðir auka kostnaður fyrir neytendur. Enn bíðið nú við Forfallatrygging af hverju á ég að kaupa hana?Þegar ég greiði með Kreditkorti mínu þá er Forfallatrygging innifalinn í kreditkorti mínu ásamt fleiri tryggingum. Og ekki nóg með það Forfallatrygging er líka innifalinn í heimils tryggingu minni hjá VÍS. Þetta þýðir með öðrum orðum að ef ég kaupi þessa Forfallatryggingu hjá IcelandExpress eða öðrum ferðaskrifstofum þá er ég 3 tryggður eða búinn að greiða sömu trygginguna 3 sinnum. Auðvitað eru ekki allir með Forfallatryggingu í kreditkortum sýnum en samt samkvæmt tryggingar félögum er það um eða yfir 75% af þeim sem eru með kreditkort Hvað skeður síðan ef ég ætla að reyna á þessa tryggingu hjá IcelandExpress jú þá vísa þeir á korta fyrirtækið eða tryggingafélögin. Eða með öðrum orðum þetta er leyndur skattur á flugmiða sem þú færð ekki endurgreitt og fer í þeirra eigin vasa, eins og 99 kr. fyrir SMS því það vill svo til að sömu eigendur eru að þessu öllu saman. Þessar forfallatryggingar eru líka í boði hjá ferðaskrifstofum hér, en málið er að þetta er ólögleg þjónusta vegna þess að viðkomandi aðilar eru ekki tryggingafélög þar sem allt annað rekstrarumhverfi og leyfi þarf til að vera tryggingafélag heldur en flugfélag eða ferðaskrifstofa.